Saida mak tabaquismo? Bele provoka moras saida?

on

Tabaquismo

File:Cigarrillo electronico funcionando.jpg

Saida mak Tabaquismo?

Tabaquismo refere ba ema sira nebe hetan adiksaun ka depende ba sigaru, ho liafuan seluk, fumador sira. (Autor sira balun sei konsidera tabaquismo nudar moras kronika.)
Tuir OMS (Organizasaun Mundial de Saude) estima katak ema millaun 4.9 mate tamba hetan moras provoka husi tabaco. No sira dehan mos katak se kontinua nafatin tendensia ohin loron nian, iha futuru tinan 2030 ema millaun 10 sei mate tamba tabaquismo.
Tuir dados OMS iha Timor-Leste (2018) estima kada tinan 739 pasiente mate husi tabaquismo, nebe mak ekuivale ho 13.4% husi mate total.

Tabaquismo ka fumador bele fahe ba kategoria rua (2):
  1. Aktivu: sira nebe mak konsume rasik sigaru ka nia suar
  2. Pasivu: sira nebe horon sigaru suar husi fumador nia sorin. Inklui familia no kolega sira, nomos bebe nebe mak seidauk moris sei iha inan isin rua nia kabun laran.

Substansia saida mak iha tabaco nia laran?

Iha tabaco nia laran iha substansia barak tebtebes, inklui mos aimoruk beneno sira nebe mak utiliza hodi hamate raho:
  • Nicotina: substansia nebe perigu liu husi tabaco tan nia mak halo ema adiksi, halo fumador susar atu hapara fuma. Nia deposita iha pulmaun nia laran, liu husi "Hematosis" (proses nebe ran troka gas CO2 ba O2 iha pulmaun nia laran) nicotina tama ba ran, no halai ba kakutak (cerebro) iha segundu 10 nia laran. Se karik iha ran nia laran nicotina hahu menus ona, ita nia kakutak manda hodi aumenta nicotina tan nee ema hakarak fuma fila fali. Iha parte seluk, nicotina estimula mos Sistema Nervoso Central (SNC), aumenta ritmo cardiaco (pulso) no presaun arterial (PA), provoka ema konsumu oxigeno (O2) barak.
  • Monoxido de Carbono (CO): gas nee sempre existe iha sigaru hotu-hotu, no nia hanesan deit ho gas nebe ita uza hodi tein. Se karik gas nee kahur ho Hemoglobina (ran), nia hamenus kapasidade ran hodi lori oxigenio.
  • Alcatraun: substansia ida nee mak provoka fumador sira nia nehan sai kor kinor, no babain nia mak hakanek pulmaun no provoka moras pulmaun sira.
  • Cianeto: suar visible nebe ita bele hare durante fuma mak 5-8% husi suar total. Sira restu nee suar invisible katak ita la bele haree. Cianeto nee suar invisible ida nebe disturba ran lori oxigenio hanesan monoxido de carbono (CO)
  • Nitrosamina: suar invisible ida-nebe estraga celula no tecido sira, provoka tumor/cancer maligno.
  • Nst.

Tabaquismo bele provoka moras saida?

Moras sira nebe mak kauza husi Tabaquismo mak hanesan tuir mai nee:
  1. Moras fuan no uat
    • Infarto miocardio
    • Accidente cerebrovascular
    • Nst.
  2. Cancer
    • Cancer ibun
    • Cancer garganta (kakorok)
    • Cancer pulmaun
    • Cancer seno nasal no paranasal (inus)
    • Cancer colorrectal (intestino grosso no recto)
    • Cancer renal
    • Cancer hepatico
    • Cancer pancreatico
    • Cancer gastrico
    • Cancer ovarico
    • Cancer de vias urinarias inferiores: Vexiga, Ureteres, Pelvis renal
    • Cancer mama (susun)
    • Cancer cervicouterino (utero)
  3. Moras ibun: nehan kuak, nehan kinur, nst
  4. Moras pulmonar obstruktiva kronika
  5. Tuberculosis (TB)
  6. Diabetes tipu II
  7. Demencia
  8. Lakon vizaun
  9. Lakon audisaun
  10. Disturbio gastrointestinal
  11. Enfraquecimentu inmunitario
  12. Fragilidade osea
  13. Disturbio cutaneos: Psoriasis, Pele enrugada no aspera
  14. Diminuisaun fertilidade ba mane no feto (Susar atu isin rua)
  15. Disfunsaun erectil (Mane nia fatin lulik la hamriik)
  16. Morte subita infantil
  17. Menstruasaun moras
  18. Menopausia
  19. Anomalia congenita (labarik moris mai ho defecto)
  20. Morte fetal (labarik mate durante isin rua iha kabun laran)
  21. Retardo crecimento (labarik boot neneik)
  22. Partu prematur
  23. Nst.

Konklusaun

Tabaquismo katak adiksaun ba nicotina, no iha tabaco nia laran iha substansia nebe perigoju tebtebes, provoka moras barak nebe prejudika fumador aktivu nia vida nomos fumador nia familia no kolega (fumador pasivu) sira nia vida. Tan nee ita hotu tenki dehan "NO TO TABACO" no hapara fuma agora, tan FUMA OHO ITA!

Video Rekomendadu husi ALFA MEDIC!

02. Tabaquismo (Fumador) | Say NO to Tabaco! Fuma oho ita!

Referencia: