Tetanus Neonatarum (Labarik Bebe Estika An No Ruun Nehan)
Tetanus neonatorum hanesan tipu husi tetanus bebe ne’ebe foin moris ne’ebe la iha proteksaun hanesan imunidade ne’ebe pasivu/fraku, ne’ebe dalabrak hetan kauza husi inan ne’ebe ninia imunidade ladun forsa hodi hasoru bakteria ne’ebe kauza tetanus.
Mitade husi bebe ne’ebe afecta husi moras tetanus neonatorum bdalabarak lakon sira nia vida, dalabarak moras ne’e afeita barak liu ba ema sira ne’ebe moris isolado hus cidade tamba dalabarak inan ne’ebe partus la hetan atendemento ne’ebe esterilizado.
Kauzas Tetanus neonatorum
Tetanus neonatorum generalmente kauza husi kanek iha kulit ne’ebe hetan kontaminado ona husi bakteria clostridium tetani, dalabarak ita bele observa iha rai ne’ebe infektado husi bakteria ne’ebe iha kapasidade hodi produz zat ne’ebe perigo tebes ho naran neurotoksin ne’ebe dalabarak fo influensia maka’as ba aktividades normal husi ita ninia nervios no kauza espasme/kontaksaun ba muskulo.
Faktores ne’ebe kauza tetanus neonatarum mak tratamento ba husar husi bebe ne’ebe la seguro, no wainhira tesi bebe nia husa la ho instrumentos ne’ebe higenico, no prosesu partus ne’ebe la mo’os nst. No spora husi bakteri ne’e bele halo kontaktu ho ibebe ne’ebe moris hodi invade bele nia isin lolos no pruduz zat perigoso neurotoksin hodi kauza moras ba bebe.
Sintomas Tetanus Neonatorum
Durante iha periodo inkubasaun tetanus neonatarum sei hahu halo invasaun ba ita nia isin lolon ho bakteria ne’ebe iha no dalabrak hatudu sinal iha loron 3-21 dias.
Sintomas no sinais sira mak hanesan :
- Kotraksaun ba muskulo (Muskulo Toos)
- Difikuldade atu dada iss
- Distress respiratorio,
- Isin sai azul (Cianosis)
- Isin manas
- No sinais infeksaun hanesan sai pus/nana husi bebe nia husar.
Tratamento Tetanus Neonatorum
Tratamento ba Tetanus neonatarum hahu husi identifikasaun portal ne’ebe bakteria hahu tama primeiro ho halo infeksaun ba be;ebe tenki hamo’os area ne’ebe iha kanek , fo aimoruk ne;ebe bele fasilita hodi halo eliminasaun ba toksina ne’ebe iha bebe nia isin laran ho antitoksina ho antibioticos.
Prevensaun Tetanus Neonatorum
Transmisaun husi tetanus neonatarum ba partus bele halo prevensaun ho maneira fo vasinasaun ba bebe sira, liu liu ba inan ne’ebe isin rua. No desenvolve konesemento konaba importasia husi fo partus ne’ebe seguro.